તું નારી છે , તારી સાથે થાતી ઘટનાઓ અણધારી છે. તને ફસાવવા કોઈએ જાળ શણગારી છે . તું નારી છે !..... તું થતી રહી છો આ દરિંદગી નો શિકાર , પણ , કહેવાતા આ સમાજે આપ્યો છે તને ધિક્કાર , આ વિકાર ને મનમાં થી કાઢવા તું ક્યાં હારી છે ? તું નારી છે !..... તું સારી છે , તું બહુ જ નામ કમાણી છે , તારું અસ્તિત્વ તું જ અજવાળ નારી છે , તું બહાદૂર છે , તું અડગ છે , પણ , રાત તારા માટે કાચી સડક છે , આ કડક બાહુઓ જ તારી લાચારી છે . તું નારી છે!..... જેનું તે પોષણ કર્યું , એને જ તારું શોષણ કર્યું , તું એ જ પુરૂષ ને જન્મ દેનારી છે. તું નારી છે!.... તારા વિશે સમાજ ને ક્યાં પૂરી જાણકારી છે? , રોજે રોજ અખબાર ના પાનાં પર તારી દુષ્કર્મ ની ઘટનાં છપાણી છે, તું ભોળી છે એ જ તારી કમજોરી છે આ દુનિયાની વૃત્તિ ખોરી છે, તું સાવ નાજુક દોરી છે , જેમાં ગાંઠ પડતા અનેક આંગળીઓ તારી સામે ચીંધાણી છે .પણ આવી ક્યાં સુધી ખેચતાની છે તું નારી છે!.... આ ઉહાપોહ - દેખાવો એ બે દિવસ નો જુસ્સો છે , પણ અંતે ઓગળવા નો આ ગુસ્સો છે , તારી લડત ની મશાલ તારે જ જલાવી રાખવાની છે. તું નારી છે!...... ...